Departments‎ > ‎

Department of Political Sciences (DPS)

بەشى زانستە ڕامیارییەکان

  ناساندنى بەش (Definition)
لە ساڵى (2003) ەوە دامەزراوە، وەرگرتن لەم بەشە دا بە سیستمى (ڕاستەوخۆ) یە. ماوەى خویندن لەم بەشەدا (4) ساڵە، بەسیستمى خوێندنى ساڵانە کە هەر ساڵێک (30) هەفتە خوێیندنە، نمرەى هەر وانەیەک دابەشدەکرێت بەسەر دوو رێژەدا کە: (40%) بۆ تێکڕاى ساڵانە و (60%) بۆ کۆتایى ساڵە.
ئێستا بەشى زانستە ڕامیارییەکان (34) مامۆستاى هەیە کە پێکهاتوون لە: (2) پرۆفیسۆر، (9) پرۆفیسۆرى یاریدەدەر، (6) مامۆستا، (17) مامۆستاى یاریدەدەر. ژمارەی خوێندکاره‌کانى (269) خوێندکاره‌، ژمارەی خوێندکاره‌ ده‌رچووەكانیشی له‌ ساڵی دامه‌زراندنیه‌وه‌ تاکو ئێستا زیاتر لە (500) خوێندکارە، كه‌ بڕانامه‌ی به‌كالۆریۆسیان له‌ بواری ( زانسته‌ رامیارییه‌كان) وەرگرتووە
  

پەیامى بەش (Mission)
دامەزرادنى بەشى زانستە ڕامیارییەکان لەپێناو بەدیهێنانى چەند ئامانجێکە کە ئەوانیش بریتین له‌:
١- پێگه‌یاندنی پسپۆر له‌ زانسته‌ رامیارییه‌كان کەئەم بوارانه‌ دەگرێته‌وه‌:     أ- ھزری سیاسی،    ب- سیستمه‌ سیاسییه‌كان،    ج - په‌یوەندیه‌ نێودەوڵه‌تییه‌كان.
٢- پێگه‌یاندنی کادێرى سیاسى و کارگێرى بۆ كاركردن لە دامودەزگا حكومییه‌كان، هەروەها بۆ  کارکردن لە دەزگا سەربەخۆکان و ناوەندەکانى ڕاگەیاندن و پرۆژەکانى کەرتى تایبەت و ڕێکخراوە ناحکومییەکان.
٣- پێگه‌یاندنی توێژەری رامیاری و ئه‌نجامدانی توێژینه‌وە له‌ بوارە جۆراو جۆرەکانی زانستى رامیارىی.
٤- پێشكه‌شكردنی راوێژی سیاسى و زانستى به‌ دەزگا فه‌رمی ونافەرمییەكان.
٥- به‌رزكردنه‌وەی ئاستی وشیاری سیاسی ورۆشنبیری تاك وكۆمه‌ڵ لەسەر پرسە سیاسییە ناوخۆیى و نێودەوڵەتییە چارەنوس سازەكان.
  

دیدى بەش (Vision)
لە تێگەیشتنى ئەم بەشەدا، فەلسەفەى خوێندنى زانستە ڕامیارییەکان ئەوەیە کە کادرى بە توانا لە بوارى زانستە ڕامیارییەکان پێبگەییەنێت، ئەمەش  سەرچاوەیەکە بۆ بڵاوکردنەوەى هۆشیارى  و ڕۆشنبیرى ڕامیارى لە ناو کۆمەڵگاى کوردستاندا، کە گرەنتییە بۆ فراوانکردنى بەشدارى سیاسى دیموکراسی لە کایە سیسییە جیاوازەکاندا. ئەمە جگە لەوەى کە دەبێتە هۆى زیادکردنى تواناى مرۆیى لە بوارە جیاجیاکانى بەڕێوەبردنى دەوڵەت و دەزگا فەرمى ونافەرمییەکان وپەیوەندییە گشتییەکان ودبلۆماسى وکاروبارەکانى دەرەوەدا، چونکە ئاکامى سیاسەت وەدیهێنانى (خێرى گشتی - Public Good)ە چ لە بەڕێوەبردنى دەوڵەتدا و چ لە پیادەکردنى دەسەڵاتیشدا.